تعالا متخفش خد فكره وجاوب على سؤالى بكرة (اوعى تصدق لو مجاوب

[size=18][/sizeاهلا بكل شباب وبنات المنتدى العثل اللى منورين معانا النهارده بس مش منورين اوى يعنى انا شايفه فى ضلمه جايه من بعيد اهيه شايفينها(اوعى حد يصدق انا بهزر) المهم انا كنت عايزة اخد رأيكم فى موضوع مهم وهو :_ _لو حبيبك مات يا ترى ممكن الايام تنسيهولك ..وحبك الجديد يمحى حبك القديم من قلبك وعقلك ؟ ده سؤال شاغلنى اوى وان كان ليا فيه رأى الخاص طبعا بس حبيت ندردش فيه مع بعض شويه واخد رأيكم فى شويه حاجات ومنها : يا ترى لو كنت بتحب او بتحبى واحد او واحده يعنى وربنا اختاره ومات (ربنا يرحمه..قولوا يارب) هل ممكن فى يوم ومع مرور الزمن الغدار اللى احنا عارفينه ده ممكن تنساه وسط زحمه الدنيا دى ومشاغلها الكتيره اوى ..ولا ممكن يفضل فى قلبك مهما كانت المشاغل والمشاكل والزحمه دى برضوة؟ طيب السؤال من ناحيه تانيه ....لو حبيت بعده (انا بقول لو خدوا بالكوا) وحبيت اللى انت معاه ده اوووووى

(حب بجد مش بتاع اليومين دول) تفتكر ممكن بحبه وحنانه يقدر ينسيك حبك القديم ولا برضوة الحب الاولانى صعب انه يتنسى السؤال الثالث(وياريت متشدوش فى شعركوا من رغى ده) لو انت دلوقتى مع حبيبك اللى حبيته بعد حبيبك الاولانى اللى مات الله يرحمه(مش سامعه حد بيقول يارب يعنى ) وفكرت مجرد ان فكرت فى حبيبك الاولانى يا ترى ده بيعتبر خيانه لحبيبك الحالى ولا دى بتبقى حاجه غصب عنك ..وياترى بتعتبر ده من وجهه نظرك فعلا خيانه لحبيبك الحال ولا بتقول ده انسان خلاص مات والتفكير فيه عادى ولا خيانه ولا حاجه طيب انت لو كنت مكان حبيبك ده ولقيت اللى بتحبه لسه بيفكر من وقت للتانى فى حبيبه اللى مات (الله يرحمه) يا ترى هتزعل؟ ولا هتقول دى حاجه غصب عنه وبرضوة كان اسمه حبيبه فى يوم من الايام (جاوب بصراحه) رغيت اوى انا صح ........عارفه يلا بقلا عايزة ردودكم يا عسل تكسر الدنيا (بس اوعى دماغى) وعايزة رأى كل واحد منكم (تبقى كبسه وحشه اوى لو محدش عبرنى) ومتتاخروش عليا يا ..............................عثل:0076 :]